Page:Organum mathematicum libris IX. explicatum (1668).djvu/634
rectae A F perpendiculares, easque termina prout placet, numerosque horarum adscribe, prout Figura monstrat.
VI. Locus styli perpendiculariter infigendi, est punctum G; longitudo est distantia inter G, et punctum horae tertiae aut nonae Aequinoctiali.
VII. Si non placet stylus perpendiculariter infixus puncto G, sed mavis habere fulcrum ad insstar partibuli erigendum in recta H I, transfer ex G utrimque in K et L distantias inter G et horam tertiam aut nonam, atque ex K et L erige perpendiculariter duos stylos aequales portioni G K vel G L, et super ipsos erectos pone perticam ferream, quae cum stylis efficiat fulcrum seu patibulum. Repraesentabit haec pertica axem Mundi; ejusque punctum medium, superimminens puncto G, censetur congruere centro Mundi; et si utrimque elongaretur, incurreret in polos.
I. In plano Meridiano Orientem respiciente duc rectam A B Horizonti parallelam; fac arcum C D, in eoque ex C in D sume gradus altitudinis Aequatoris, nempe in casu proposito gradus 42; duc rectam A D F; elige punctum G, ac per G duc perpendicularem H G I.
II. Extremitatem D E anterioris faciei Regulae Sciathericae applica Aequinocatiali A G F, ita ut punctum G Regulae congruat puncto G Aequinoctialis, et latus D E Regulae ipsi Aequinoctiali F G A.
III. Stante hoc situ Regula, nota diligenter, ubi puncta seu lineae horariae ipsius tangant Aequinoctialem, ibique imprime puncta, ac per puncta impressa duc lineas horarias, ut antea, parallelas rectae H I, reliqua fac, ut antea fuit dictum.
Recta M G per locum styli ducta, et Horizontali A B parallela, determinat, quo usque elongari possint lineae horariae, si stylo perpendiculariter erectae uti velimus, aut Tropicos Horologio inscribere.
