Difference between revisions of "Page:Organum mathematicum libris IX. explicatum (1668).djvu/1084"
(→Not proofread: Created page with "<center>EPILOGUS LIBRI NONI, ET TOTIUS OPERIS.</center><br> ''MUlta alia ad Musurgiam novam spectantia dici possent, ut quae P. Kircherus in extremo Libri 8. Musurgiae,et nos...") |
(No difference)
|
Latest revision as of 16:41, 21 August 2020
MUlta alia ad Musurgiam novam spectantia dici possent, ut quae P. Kircherus in extremo Libri 8. Musurgiae,et nos in extremo Libri 7.part.2. Magiae Universalis, scribimus de Symphoniurgia Plectrologica admodum jucunda et facili:item quae habet idem P. Kircherus ibidem de usu Arcae Musurgicae per combinationem variam, sursumque ac deorsum promotionem Tabularum Musarithmicarum, qua brevisimo temporis spatio melothesia quaevis perfici, et modis poene innumerabilibus variari potest: Item nonnihil de fugis, syncoptomatis, notis currentibus Base stante, aliisque, quae exhibuit idem Auctor ante multos annos in septem columnis chartaceis ex crassiore charta, quas adhuc penes me habeo.Sed hic sistimus, et Organum nostrum Decaulum , decem Loculamentis velut decem Rgistris instructum, quibus totidem Mathematicarum Disciplinarum suavissimas harmonias exhibuimus, ad DEI Optimi Maximi gloriam, Principum DEI in terris Vicariorum delectactionem, omnium denique Philomatων utilitatem.
