f. 182r
+++
299. Hic mihi datus est quidam bonus spiritus ad deplorandas uarias retrocessiones et retrospectiones et retrouersiones meas, quas nunquam satis deplorauero. Coepi etiam mirari quamdam Dei erga me siue misericordiam, siue iustitiam, quae in hoc fuit quod aut raro aut nunquam senserim Spiritum ipsius sanctum arguentem me, minantem mihi debitas poenas, aut improperantem mihi peccata mea ac defectus; sed quod ita fecerit ut reprehensiones quas communiter in meipso hactenus contra me audiui ac sensi, fuerunt uel per propriam conscientiam, uel per spiritum ad exercitium mihi datum. Hinc igitur mihi datum ex animo petere ac uelle quaerere gratiam hanc ab ipso Altissi-mo, quae est ut iam deinceps possem sentire uerba eius ac contritiones quae a Spiritu ipsius sunt pro peccatis meis. Dicebam ad hoc: «Domine Deus meus,
_______________
