f. 172r
accidentalem deuotionem penitus sentire optes ex proprio affectu; secundo, ut nihil uelis turbari, etiamsi totus uetus homo tuus, quantus fuit unquam, in te surrexerit per suas radices ac concupiscentias, quae sunt citra peccatum mortale ac ueniale; tertio uero, in hoc quod nihil mouearis, si nullus fructus externorum operum in manibus tuis deprehendatur, uel a te, uel ab aliis, ab aliis, inquam, qui te inspiciunt ac aspiciunt ad imitandum uel ad gaudendum super benefactis .tuis, siue ab his qui te suspiciunt ad calumniandum, siue ab his qui te aspiciunt. Vbi hac morte fueris mor-tu[u]s in cruce, ac publice, (quantum ex affectu tuo est); ubi denique in hoc fueris tanquam sepultus, extra conspectus, siue respectus, siue suspicionis, siue despectionis, aut etiam expectationis hominum quorumcumque; tunc dabitur desiderare
_______________
