suspicabar non esse Turcas, sclopetum ad illorum terrorem in aëra explodere volens, proh infortunata sors! pulvis accenditur sed ad fistulam sclopeti ignis immediate non penetrans, sclopetum ad terram (eram enim in loco eminentiori monasterii) dum inclino, exploditur
et tangit quendam iuvenem Rashianum; quod tamen vulnus lethale non erat, nam globus cutim dumtaxat laceraverat in Vertice capitis et aliquantulum os contriverat. Sed tum apoplexia tactus, tum inscitia chirurgi neglectus, post decimum quintum diem ex hac vita migravit.
Ah testor conscientiam meam quot lachrimis gemebundus ob hoc factum effudi, quot singultus et suspiria ex corde edidi. Nam non solum illum factum aliqua ex parte me reddit genti meae odiosum, sed etiam multa bona, quae mihi cum Dei auxilio proposueram, impedivit.
Quare, Ill.me et Rev.me Domine, esto sit hoc factum casuale multi que mihi dicant nullam inde sequi irregularitatem, tamen tutius esse duxi ut hoc ad Ill.mam et Rev.mam D.em vestram perscriberem, hac speductus, si irregularis per hoc sim, quod Ill.a et R.ma D.tio vestra dignabitur mihi reconciliacionem apud Suam Beat.em obtinere. Qua obtenta, paratus sum Suae Beatitudinis mandatum adimplere. Neque Beatitudo Sua de mea suspicetur fide; nam quod in urbe Roma coram Illustrissima et R.ma D.e V.ra iuravi et iureiurando promisi, in eo usque ad vitae exitum perseverabo. Valeat Ill.ma et R.ma D.io V.ra, cuius in primis sanctissimis precibus, deinde iusto patrocinio me humillime commendo.
Datae ex monasterio S.ti Michaelis in Monte Marchae sub dioecesi episcopatus Sagrabiensis in Croatia.
Ill.mae et R.mae Dom.is V.ae
Humillimus servus
Simeon Vretaniae episcopus Rashianor.
---page break---
Ill.mo et R.mo Domino Domino Roberto Bellarminio Sacrae Romanae Ecclesiae Cardinali, tituli Sanctae Mariae in Via etc. Domino Domino et patrono mihi gratiosissimo.
Romae
