Ab anno Domini 1400 ad 1500
p. 243
Scripsit etiam commentaria in totam Summam S. Thomae. Denique opuscula permulta & librum lentaculorum & Summam casuum conscientiae, quae notissima sunt.
De Dominico Iacobatio – 1500
Dominicus Iacobatius Romanus, Rotae auditor & postea Cardinalis a Leo X creatus anno 1517.
Scripsit insigne opus de Conciliis.
De Iacobo Sanazario – 1500
Iacobus Sanazarius eodem tempore scripsit egregium Carmen de partu virginis.
De Francisco Ferrariensi – 1500
Franciscus Ferrariensis, ordinis Praedicatorum prior generalis, viuebat anno Dom. 1500 & obiit anno 1528.
Scripsit egregia Commentaria in Summam sancti Thomae contra gentes sripsit
etiam de vita B. Osannae Mantuanae lib. sex & multa philosophica.
De Ioanne Francisco Pico – 1500
Ioannes FRanciscus Picus Ioannis Pici nepos, vir doctus & pius, viuebat anno Dom. 1500.
Sripsit de rerum praenotione libros nouem aduersus vanitatem astrologorum. Scripsit etiam pro veritate religionis christianae contra superstitiones gentilium; & opera alia permulta, tum prosa tum versu, quae satis nota sunt.
De Joanne Tabiensi – 1500
Ioannes Tabiensis natione Ligur ordinis Praedicatorum, theologus & canonista, scripsit summam casuum conscientiae, quae Tabiena dicitur, quam Thomae Caietano dicauit.
De Hectore Boethio – 1500
Hechor Boethius Scotus, scripsit libros 17 historiae Scoticae. Scripsit etiam descriptionem regni Scotiae & regum Scotorum.
