Ab anno Domini 1400 ad 1500
p. 233
[331.]
De Bessarione cardinali – 1440
Bessarion natione Graecus, patria Trapezuntius, dignitate episcopus Nicaenus, postea cardinalis S. R. E. ab Eugenio quarto pontifice creatus, multis legationibus perfunctus, multisque aliis piis laboribus fatigatus, obiit anno Domini 1472 Sixto quarto sedente.
Scripsit orationem pro unione, prolixam & doctissimam, quae extat Graece & Latine sessione 25 concilii Florentini.
Scripsit quoque aliam breuiorem, quae pariter extat Graece & Latine, sessione 1 eiusdem concilii.
Scripsit etiam librum Aduersus Marcum Ephesium pro defensione ecclesiae Romanae.
Scripsit quoque De verbis consecrationis aduersus eundem Marcum.
Scripsit De illo Ioannis 21: »Si eum volo manere donec veniam«.
Scripsit deniqui multa philosophica in defensionem Platonis & Metaphysicam Aristotelis Latinitate donauit & libros tres consolatorios ad imperatorem Graecorum misisse dicitur.
[332.]
De Georgio scholario – 1440
Georgius scholarius vir inter Graecos sapientissimus.
Scripsit orationes quatuor De pace inter Graecos & Latinos ineunda, quae habentur Graece & Latine post concilium Florentinum.
Hic idem censetur esse ille Gennadius (quippe qui mutauerit nomen assumptus ad patriarcharum Constantinopolitanum) qui scripsit quinque orationes De quinque articulis controuersis pro veritate catholica.
De processione Spiritus sancti.
De primatu Papae.
De azymo.
De purgatorio.
De uisione Dei ante resurrectionem corporum.
[333.]
De Iosepho Methonensi – 1440
Ioseph episcopus Methonensis eodem tempore scripsit librum Responsionis pro concilio Florentino ad librum Marci Ephesii calumniaroris eiusdem concilii.
Extat autem haec responsio Graece & Latine post idem concilium.
[334.]
De Gregorio protosincello – 1440
Gregorius Magnus protosincellus ac postea patriarcha, scripsit Responsionem aliam contra epistolam Marci Ephesii, quae Responsio
