Page:De scriptoribus ecclesiasticis liber unus (1613).pdf/250

◅▻

De scriptoribus ecclesiasticis

p. 232

De corpore & sanguine Christi.
De vita solitaria.
De contemptu mundi.
De sermone Domini in coena.
De officio pastorali.
De obedientia.
De gradibus perfectionis.
Scripsit praeterea sermones quadraginta.

Obiit anno aetatis 74, episcopatus vicesimo quarto, sed quinque annis ultimis fuit etiam patriacha.

[328.] De Ioanne de Turrecremata – 1440

Ioannes de Turrecremata, natione Hispanus, ordinis Praedicatorum cardinalis presbyter S. Sixti ab Eugenio quarto creatus, postea episcopus cardinalis Sabinus, theologus & iureconsultus eximius obiit anno Domini 1468 aetatis 80 maior.

Scripsit Summam de ecclesia, quatuor libros.
Apparatum super Decretum Eugenii quarti de unione Graecorum cum Latinis.
Commentaria in Decretum Gratiani.
In Psalterium.
In Euangelia dominicalia.
In Euangelia de sanctis.
De corpore Christi contra Bohemos.
De salute animae.
De aqua benedicta.
De conceptione B. virginis.
In regulam sancti Benedicti.
Meditationes de vita Christi.

[329.] De Mattheo Palmerio – 1440

Matt􏰁haeus Palmerius, Florentinus, vixit tempore concilii Florentini, ut ipse testatur in Chronico. Scripsit, siue continuauit Chronicum ab anno 449, ubi desiit S. Prosper, usque ad annum 1449. Scribit quidem Ioannes Trithemius, hunc Moatthaeum postea de haeresi conuictum & damnatum fuisse, sed in Chronico ipsius nullum ego erroris inueni vestigium.

[330.] De Matthia Palmerio – 1440

Matt􏰁hias Palmerius Pisanus, vixit eodem seculo & continuauit Chronicum Ma􏰁tthaei ab anno 1450 usque ad 1481.

◅▻