Page:De scriptoribus ecclesiasticis liber unus (1613).pdf/249

From GATE
This page has not been proofread



Ab anno Domini 1400 ad 1500

p. 231



[324.] De Andrea Barbatio – 1460

Andreas Barbatius Siculus floruit anno 1460.

Scripsit in Decretales.
Scripsit etiam De cardinalium praestantia.
Scripsit quoque varia consilia.


[325.] De Laonico Chalcondyla – 1460

Laonicus Chalcondyla Atheniensis, scripsit Historiam libris decem, de origine & rebus gestis Turcarum usque ad sua tempora, idest ad annum Domini 1462, cui Historiae adiecta est appendix, qua continuatur historia usque ad annum Domini 1565. Hunc auctorem ponimus inter ecclesiasticos, quoniam eius Historia plurima continet ad res christianas pertinentia.
Quia tamen hic auctor ab haeretico homine Latinitate donatus est & annotationibus in margine positis auctus in Indice librorum prohibitorum, eius lectio interdicta inuenitur. Ipse etiam Laonicus non caret narrationibus falsis, quas temere credidit rerum nostrarum ignarus.


[326.] De Ioanne Bassolio – 1460

Ioannes Bassolius ordinis Minorum, scripsit In quatuor libros sententiarum non contemnenda commentaria, viuebat anno Domini 1466.


[327.] De beato Laurentio Iustiniano – 1440

Laurentius Iustinianus, patria Venetus, ac primum canonicus regularis, deinde episcopus Venetiarum, postremo primus eiusdem urbis Patriarcha, floruit doctrina, sanctitate & miraculis, temporibus Eugenii quarti & Nicolai quinti pontificum Romanorum, circa annum Domini 1440. Obiit anno 1455. Scripsit volumina quindecim, quorum hi sunt tituli:

Lignum vitae.
De disciplina monastica.
De connubio verbi & animae.
De humilitate.
De spirituali interitu animae.
De triumphali agone Christi.
De interiori conflictu.
De complanctu ecclesiae.