Difference between revisions of "Page:De scriptoribus ecclesiasticis liber unus (1613).pdf/238"
Page body (to be transcluded): | Page body (to be transcluded): | ||
Line 52: | Line 52: | ||
− | [299.] | + | <span style="color:Blue"> |
+ | [299.]</span> | ||
De {{Smallcaps|Henrico de Hassia}} – 1380 | De {{Smallcaps|Henrico de Hassia}} – 1380 | ||
<br> | <br> |
Latest revision as of 10:41, 6 September 2020
De scriptoribus ecclesiasticis
p. 220
[296.]
De Alphonso Vargas – 1359
Alphonsus Vargas Hispanus, archiepiscopus Hispalensis, obiit anno 1359.
Scripsit in primum Sententiarum & In libros De anima, quae impressa sunt Venetiis anno 1566.
[297.]
De Ioanne Taulero – 1350
Ioannes Taulerus, natione Germanus, ordinis sancti Dominici, concionator insignis & piissimus, scripsit:
Sermones de perfectione vitae interioris.
Tractatus de virtutibus.
Epistolas ad diuersos.
Cantica spiritualia.
De nouem gradibus christianae perfectionis.
Speculum & exemplar Domini nostri Iesu Christi.
Exercitia de vita & passione Christi.
Vixit circa annos Domini 1350.
Porro hunc viru, ut suspectum circa fidem, contempsit Ioannes Eckius, sed egregie eum defendit Ludouicus Blosius.
[298.]
De Manuele Caleca – 1375
Manuel Caleca, Graecus, vir doctus, scripsit librum contra errores Graecorum pro Latinis, quem vertit in Latinum idioma Ambrosius Camaldulensis, iussu Martini quinti pontificis & eum in libros quatuor partitus est.
Vixisse videtur hic auctor post schisma Urbani VI & Clementis VII & ante schisma Eugenii IV & Felicis V, nam libro 4 sui operis scribit, Romanam ecclesiam suo tempore gubernatam fuisse a duobus pontificibus, ubi videtur loqui de schismate illo diuturno Urbani VI & Clementis VII, siquidem in eodem libro meminit concilii Lugdunensis sub Gregorio X a tempore autem illius concilii non fuit schisma celebre, nisi schisma Urbani & Clementis, quod enim excitauit Ludouicus imperator inter Ioannem XXI & Nicolaum V breuissimum fuit.
Itaque falsum est quod quidam dicunt, interfuisse Calecam in concilio sub Gregorio X.
[299.]
De Henrico de Hassia – 1380
Henricus de Hassia Carthusianus scripsit:
In Magistrum Sententiarum.