Difference between revisions of "Page:De scriptoribus ecclesiasticis liber unus (1613).pdf/216"
| Page body (to be transcluded): | Page body (to be transcluded): | ||
| Line 10: | Line 10: | ||
| + | [339.] | ||
De Henrico Card. episcopo Hostiensi – 1261 | De Henrico Card. episcopo Hostiensi – 1261 | ||
<br> | <br> | ||
| Line 17: | Line 18: | ||
| + | [340.] | ||
De Guidone papa – 1265 | De Guidone papa – 1265 | ||
<br> | <br> | ||
| Line 24: | Line 26: | ||
| + | [341.] | ||
De Roberto Sorbona – 1265 | De Roberto Sorbona – 1265 | ||
<br> | <br> | ||
| Line 31: | Line 34: | ||
| + | [341.] | ||
De Alberto Magno – 1250 | De Alberto Magno – 1250 | ||
<br> | <br> | ||
Revision as of 11:24, 25 August 2020
De scriptoribus ecclesiasticis
p. 198
Domini 1244, sed continuauit aliquis alius usque ad annum Domini 1494. Naturale speculum continet libros 32 & tractat de rebus omnibus, herbis auibus &c. & in ultimo libro de locis & temporibus & sua tempora dicit fuisse anno Dom. 1250.
Morale speculum continet libros tres, diuisos in partes & distinctiones & tractat de passionibus animi, de legibus, de gratia, de vitiis & virtutibus copiosissime. Obiit autem anno Dom. 1256 teste Antonio Senensi in bibliotheca ordinis praedicatorum, qui Vaseum testem adducit.
De speculo morali, vide ingra, ubi de S. Thomae scriptis differimus.
[339.]
De Henrico Card. episcopo Hostiensi – 1261
Henricus natione Gallus hortatu Alexandri papae quarti scripsit in epistolas decretales accuratam expositionem. Scripsit celebrem summam multa eruditione canonica plenam. Hic ab Urbano papa quarto CArd. episcopus Hostiensis creatus, vixit usque ad annum Dom. 1281.
[340.]
De Guidone papa – 1265
Guido Grossus, patria Narbonensis qui postea fuit Clemens papa quartus, dum in minoribus esset, scripsit plurima ad ius ciuile pertinentia, cuius iuris consultissimus erat. Scripsit etiam in primum & secundum decretalium. Obiit anno Dom. 1268 pie & sancte, ut semper vixerat.
[341.]
De Roberto Sorbona – 1265
Robertus Sorbona tempore sancti Ludouici regis Francorum, vir multae doctrinae & pietatis, quique Collegium Sorbonae toto orbe celeberrimum Parisiis instituisse dicitur. Scripsit opuscula nonnulla, ut de conscientia, de confessione, de itinere ad paradisum, quae extant tomo quinto bibliothecae sanctorum patrum editionis secundae.
[341.]
De Alberto Magno – 1250
Albertus ob sapientiam singularem cognomento Magnus, natione Sueuus, professione religiosus, ordinis S. Dominici, dignitate episcopus Ratisponensis, ad quam dignitatem ab Urbano quarto Pontifice assumptus fuit; scripsit plurima opera tum philosophica, tum theologica, ac omissis philosophicis, extat Summa theologiae, sed imperfecta.
