De scriptoribus ecclesiasticis
p. 192
edita, vere concilii generalis sunt, & ab ipso concilio constituta & edita, non a solo Innocentio post concilium.
[321.]
De Guntbero – 1203
Guntberus monachus Parisiensis scripsit historiam Constantinopolitanam quae tempore suo contigit, quando videlicet Constantinopolis a Latinis capta est, de Balduinus Flander, imperator creatus, quae historia extat apud Henricum Canisium tom. 5 par. 2 antiquae lectionis.
[322.]
De Helinando – 1203
Helinandus monachus Gallus scripsit historiam ab orbe condito usque ad annum 1212 libris quadraginta octo; quem auctorem praecipue sequuti sunt Vincentius Bellouacensis & S. Antonius in historia scribenda. Scripsit etiam sermones & epistolas & alia quae utrum exxcusa extent, ignoro.
[323.]
De Niceta Choniate – 1205
Nicetas Acominatus, siue Choniates, floruit post annum 1200. Scripsit enim historiam, quae extat Graece & Latine, ab anno 1118 usque ad annum 1205, id est ab imperio Io. Comneni, Alexii filii, usque ad obitum Balduini primi ex Latinis imperatoris Constantinoolitani. Dicitur etiam scripsisse libros quinque de fide orthodoza, Graeco idiomate, quos non vidi, sed Parisiis excusos accepi.
[324.]
De Conrado Urspergensi abbate – 1215
Abbas Urspergensis, cuius nomen diu fuit incognitum, sed tandem Conradum esse innotuit, viuebat tempore Innocentii III pontificis, testatur enim ipse, se anno Dom. 1202 factum presbyterum & anno 1207 factum esse monachum praemonstratensem, & anno 1215 factum esse abbatem Urspergensem.
Scripsit historiam siue Chronicum a primo Rege Assyriorum Belo usque ad Fridericum secundum imperatorem, id est usque ad annum Dom. 1219 & Friderici imperatoris nonum.
Obseruatio:
Necesse est hanc historiam vel non esse unius auctoris vel Conradum hunc inseruisse aliqua in historia sua ex scriptis aliorum. Siquidem
