duo sermones eius, unus de natali Domini, alter de angelis. Obiit anno Dom. 634. Ex Card. Baronio, tomo octauo Annalium.
De Joanne Moscho – 630
Ioannes moschus, alias Euiratus, scipsit ad sanctum Sophronium episcopum Hierosolymitanum, librum, qui dicitur Pratum spirituale; atque hinc fortasse factum est, ut ipsi Sophronio, a multis hic liber tribuatur. Extat in tomo septimo Bibliothecae sanctorum patrum editionis secunda. Et quidem liber est magna ex parte utilis, & citatur in septima synodo.
De Leontio – 630
Leontius tempore Heraclii imperatoris vixit & sancti Ioannis episcopi cogno- mento eleemosynarii aequalis sui admirabilem vitam literis mandauit. Obiit sanctus Ioannes anno 11 Heraclii, qui fuit annus Dom. 920. Hic liber testimo- nium habet a synodo secunda Nicaena & vere lectu dignissimus est.
De Iona – 630
Ionas Anglus, siue Hibernus, tempore eiusdem Heraclii, scripsit vitam & res getas sancti Columbani (ut est apud Bedam lib. 5 hist. gentis suae cap. 17) qui ut nouus quidam apostolus Angliam, Gallias & Italiam mirifice illustrauit. Obiit anno sexto Heraclii, qui erat annus Dom. 615. Extat haec vita apud Surium die 21 Nouembriis.
De Antiocho monacho – 630
Antiochus monachus vixit Heraclii tempore, & centum viginti nouem homili- is (quae extant in bibliotheca sanctorum patrum tomo secundo edit. 2) deplo- rauit ingentem illam calamitatem, quae contigit anno quartodecimo Heraclii, cum Hierusalem a Persis capta, & lignum sanctae crucis in Persidem asporta- tum fuit; quo tempore christiani plurimi, ad nonaginta millia Iudaeis vilissimo pretio diuenditi, atque ab eis crudeliter morte necati dicuntur.
De S. Isidoro Hispalensi – 630
Sanctus Isidorus Hispalensis episcopus sedere coepit in episcopali sede anno 596 & anno 636, migrauit in caelum, ut ex Chronicis