Difference between revisions of "Page:De scriptoribus ecclesiasticis liber unus (1613).pdf/144"
| Page body (to be transcluded): | Page body (to be transcluded): | ||
| Line 33: | Line 33: | ||
| − | [163.] | + | <span style="color:Blue"> |
| + | [163.]</span> | ||
De {{Smallcaps|Gilda sapiente}} – 495 | De {{Smallcaps|Gilda sapiente}} – 495 | ||
<br> | <br> | ||
Revision as of 11:49, 21 July 2020
De scriptoribus ecclesiasticis
p. 126
futanda erat, non enim verisimile est, eum fuisse adolescentem, aut puerum, quando a S. Hieronymo inter scriptores ecclesiasticos numeratus est.
Alii sunt, qui librum istum Gennadii esse credunt, eo quod facile fuerit Gelasium pro Gennadio scribere.
Sed neque hoc verisimile est, cum ipse Gannadius catalogum librorum suorum scripserit, & hoc opus inter alios non numerauerit.
Card. Baronius tomo 6 Annalium ad annum Christi 496 probat satis apertis coniecturis auctorem libri fuisse Gelasium Cyzicenum, de quo nunc dicemus.
[162.]
De Gelasio Cyziceno – 495
Gelasius Cyzicenus vixit tempore Basilici imperatoris, siue potius Tyranni, circa annum Domini 476, ut ipse testatur in praefatione librorum De actis Nicaenae synodi.
Scripsit Historiam de actis Nicaenae synodi tribus libris comprehensam, quae nuper excusa est in primo tomo Conciliorum generalium Graece & Latine Romae editorum.
Scripsisse etiam creditur librum De duabus naturis Christi contra Eutychetem, qui liber hactenus est editus sub nomine Gelasii papae.
Coniecturae, cur auctor huius libri existimari possit Gelasius iste Cyzicenus, hae sunt:
Prima, quod non inueniatur alius Gelasius, cui liber ille tribui possit.
Secunda, quia in hoc auctore conueniuntur nomen & tempus, ut notum est.
Tertia, quia in praefatione Historiae de actis Nicaenae synodi scribit, se disputasse cum Eutychianis.
Quarta, quia sicut Gelasius in Historia Nicaenae synodi libro 2 mirifice laudat Eusebium Caesariensem, cumque affirmat nunquam adhaesisse Arianis, sic etiam auctor libri De duabus naturis Christi, ponit eundem Eusebium Caesariensem inter sanctos & probatissimos Patres Athanasium, Nazianzenum & alios eiusdem gloriae.
Quinta, quia stilus est omnino similis, simplex & nudus omnibus ornamentis.
Quomodo autem intelligi debeat, quod iste auctor dicit in libris De duabus naturis Christi, remanere in Eucharistia, panis & vini naturam, diximus in Controuersiis libro 2 [de Eucharistia] cap. 27.
[163.]
De Gilda sapiente – 495
Gilda cognomine Sapiens scripsit De excidio Britanniae, quod incidit in annum Domini 445.
Scripsit etiam reprehensionem acrem in clerum Britanniae, nam propter peccata populi & maxime propter pec-
