sanctorum Patrum tomo 1 editionis secundae. An episcopus fuerit Viennensis, nec ne, disputat Card. Baronius tomo 6 annalium, ad annum Domini 441.
De Fausto Regiensi – (480)
Faustus ex monacho Lirinensi factus episcopus Regiensis in Gallia, vixit medio tempore inter sanctum Prosperum & sanctum Fulgentium scripsit de Spiritu sancto & contra Arianos & Macedonianos quae non extant & quos Gennadius in lib. de viris illustribus effert; sed Gelasius papa in dectreto de libris apocryphis omnino reiicit; ut etiam reiiciunt & refellunt sanctus Fulgentius, Pe- trus Diaconus, Alcimus Auitus, & alii. Ado Viennensis in Chronico ad annum 492 sic loquitur: »Faustus ex abbate monasterii Lirinensis apud Regium Galliae episcopus factus, Pelagianorum dogma destruere conatus, in errorem labitur; unde qui eius sensus in hac parte catholicos praedicant, sicut Genna- dius de viris illustribus scribens, omnino errant«. Ita enim liberum arbitrium tam Augustinus quam caeteri catholici in ecclesia Dei docent, ut illuminatio, virtus & salus illi a Christo, per Christum & in Christo sit. Faustus vero iste ita liberum christianorum arbitrium docere conatur, ut illuminatio, virtus & salus non a Christo, sed a natura sit; contra hunc scribit Beatissimus Auitus Viennensis episcopus lucidissima fide, eius redarguens errorem. Similiter & Ioannes vir eruditissimus Antiochenus presbyter.
Isidorus de viris illustribus in Fulgentio, dicit, a Fulgentio scriptos libros septem contra Faustum, qui mira calliditate catholicus videri colebat, cum Pe- lagianus esset/ Auctor quoque vitae sancti Fulgentii cap. 28 testatur a sancto Fulgentio refutatos libros duos Fausti de gratia & libero arbitrio. Et Petrus diaconus in libro de incarnatione & gratia Christi, cap. ultimo, anathema dicit libris Fausti. Haec admonere volui propter aliquos, qui nostro tempore Faustum catholicum fuisse contendunt.
De Aenaea Gazeo – (490)
Aeneas Gazeus vir doctissimus scripsit dialogum insignem de animae immor- talitate & corporum resurrectione, quem inscripsit Theophrastum, quia perso- na principalis in dialogo nominatur Theophrastus: aetatem suam ipse aperit n extremo dialogo, ubi dicit, se vidisse sanctos illos, qui in persecutione Van- dalica abscissis linguis optime loquebantur; hoc autem contigisse imperante Zenone, notum est ex Victore Uticensi de persecutione Vandalica.
