Ab anno Domini 400 ad 500
p. 111
docet, sed etiam quia ille Paulinus S. Ambrosio, ut administer assistebat, etiam tempore mortis eius; imo ut clericus sub cura Casti diaconi, amanuensis fungebatur officio, ut ipse indicat in vita B. Ambrosii.
Sanctus autem Paulinus nunquam astitit S. Ambrosio, ut minister, sed multo ante mortem eius presbyter erat & a B. Ambrosio in numero sacerdotum ecclesiae suae habebatur, ut ipse scribit in epistola ad Alipium.
Porro inter opera S. Paulini fertur etiam Carmen eucharisticum de vita sua, sed non est eius, ille enim auctor scribit res gestas suas usque ad annum vitae octogesimum tertium.
At S. Paulinus non excessit annum septuagesimum octauum, ut ex Card. Baronio constat.
Denique tribuit Gennadius S. Paulino librum De poenitentia & alium De laudibus martyrium qui non extant.
[129.]
De Seuero Sulpitio – 420
Seuerus Sulpitius aequalis & amicissimus fuit S. Paulini, ut notum est ex epistolis inuicem scriptis.
Scripsit libros duos De sacra historia.
Item Vitam S. Martini episcopi Turonensis.
Item dialogum De conuersatione orientalium monachorum, in quo interlocutores sunt Gallus & Postumianus, cuius dialogi meminit S. Hieronymus libro 11 In Ezechielem cap. 36.
Item epistolas multas, quarum meminit Gennadius in libro De viris illustribus, qui etiam Gennadius addit, hunc Seuerum in senectute a Pelagianis deceptum, agnouisse cito errorem suum & silentium usque ad mortem tenuisse, ut vitium loquacitatis taciturnitate deleret.
Obseruatio:
Seueri Sulpitii libri De sacra historia & Dialogi de conuersatione orientalium caute legendi sunt.
In libro primo De sacra historia dicit, filios Dei, qui filias hominum adamauerunt, fuisse angelos, quod refellitur a Chrysostomo in cap. 6 Genesis & ab Augustino libro 15 De ciuitate Dei cap. 23 & aliis probatis auctoribus.
Dicit, sacerdotes qui habent possessiones, immemores esse praecepti dominici dati quondam leuitis.
At leuitae possessiones habebant, quin etiam oppida & suburbana eorum, Leuit. 25 quare Hieremias ex genere sacerdotum agrum vendidisse legitur, Hierem. 32, & Barnabas leuites agrum similiter quem possidebat, vendidit Act. 4.
Dicit praeterea templum fundatum fuisse anno 588 ab egressu filiorum Israel de Aegypto.
At scriptura 3 Reg. 6 notat annos 480.
In Dialogo dicit, ecclesiam auro non strui, sed destrui.
Reprehendit episcopos, qui libros Origenis damnauerunt.
Scribit coniugium
