Quis, nate, vulnus intulit? CHO.2us -Fratrem vide:
hic inter hostes caeteris immanior
rapax ut Auster saeviit, certo ferox
me strinxit ictu. FERR. -Perdite, ingrate, impie,
longus parentum luctus, hoc lachrimae piae
meruere matris, liber ut vinclis nova
mox aggravaris scelera: fugiendi piget
donasse crimen, omnia exolves simul,
nefande fratricida! CEL.- Non feci pater.
CHO.2us -Per astra, fecit. FERR. -Fronte ferrata negas
testante fratre crimen: aude*[1]nunc, mucro,
scrutare fibras improbi. CEL. -Insonti, pater,
ah, parce nato. FERR. -Nomen absterret patris
matrisque fletus. Scipio, tu matrem pete.*
*[2]
Tu mox nigrantem carceris fundum petes.
Quaenam caterva reliqua? MUD. -Loyolae schola.
FERR. -An haec magister scelera vos fallax docet?
Ferri catenas expedi, miles; rape.*
[3]
Vos ego - Mudarra, provehit cymbam Notus
nova pullulascit hostis in caput faba.
Adibo velox curiam. MUD. -Venio comes.
