Difference between revisions of "Page:APUG 1123.pdf/57"
| (One intermediate revision by the same user not shown) | |||
| Page body (to be transcluded): | Page body (to be transcluded): | ||
| Line 1: | Line 1: | ||
| − | PRIN. -Vetusta proles Romuli, Aeneadum genus,<lb/> | + | [[Category:APUG_1123_pages]] |
| + | [[Category:APUG_1123_marginalia]] | ||
| + | [[Category:APUG_1123_Director's notes]] | ||
| + | PRIN. -Vetusta proles Romuli, Aeneadum genus,*<ref>*alloquitur milites</ref><lb/> | ||
Melior Petri propago, Christiadum vigor:<lb/> | Melior Petri propago, Christiadum vigor:<lb/> | ||
cumulate priscam decore virtutem novo,<lb/> | cumulate priscam decore virtutem novo,<lb/> | ||
Latest revision as of 08:55, 19 April 2024
PRIN. -Vetusta proles Romuli, Aeneadum genus,*[1]
Melior Petri propago, Christiadum vigor:
cumulate priscam decore virtutem novo,
cedat recenti gloriae nomen vetus.
Meus vtriusque domitor imperii socer
auxilia Caesar vestra, Romulidae, rogat.
Tumultuantes Saxo Luthero duce
agglomerat acies; cornua attollit tumens
in bella Rhenus. Non triumphati semel
Romana rursus pectora rebelles timent.
TRIB. -Fasces superbos Roma, non priscos ferox
summisit animos: fervet in venis adhuc
priscus Gradiui sanguis, et patrius vigor
.
PRIN. -Cras vbi rubentem crocea Tithoni torum
Aurora liquit, flava prope Tybris vada
qua pons superbi fluminis dorsum premit;
iussae cohortes confluant, late iugis
campisque lucens fluctuet ferri seges.
Canora signum stringet abeundi tuba,
Mentes ciete fervidas, pulchrum est brevem
longa pacisci gloria vitae ambitum.
TRIB. -Tantum, Quirites, auspice<m> sequi iuvat,
Ultro pericla poscimus: Mars est levis,
dum Martis onera lenit exemplum ducis.
PRIN. -Incerta Martis alea, incertae vices;
Fortuna nusquam levius inversum celer
alternat orbem; mente placandus pia
qui stabile caecae sortis arbitrium tenet.
Ut ergo certam casibus dubiis opem
ferat benigno numine, piorum sedet
- ↑ *alloquitur milites
