denso tuetur agmine invisum latus.
ALP. -Imbellis Orce, robur infirmum Stygis,
simulacra saltem viua Loyolae refer.
Umbras lacesse carmine. NIG. -Experiar meum
si forte carmen audit vmbrarum arbiter
imosque vulgus linquere penates sinit.
Diducto in orbem circulo, canit Nigrius
stirps inani nata somno,
noctis umbrae, nigra pubes
huc adeste, iubilansque
aeris fugaces auras
conglobate, stringite
pallido Loyola vultu
squallida Loyola veste
pictus auris, fictus umbris
E soporis valle ductis
nostra maestus tecta visat
NIG. -Assensit Orcus; audior, tellus hiat*[1]
ALP. -Adest, adest, lugubre , funestum, horridum
ferale spectrum: surge nunc toto impetu,
Alpine, in iras, surge, sopitos cie
furoris ignes, integra vires dolot.
Incesse veris fictilem vultum propris
vile terrae pondus! O odium meum!
Egon’ architectus sceleris? Ego doctis rudem
involvo plebem fraudibus, fidam impio
profano Romam dogmate, errores sero?
Cerberea lingua! Lingua praedatrix meae
iniqua famae, scilicet Romae iocus
- ↑ *Aperta scena variae prodeunt umbrae in iis S<anc>to Ignatio similis