[ALP.] Se quisque raptim muneri accingat suo.
OMN. -Citi volamus. ALP. -Nigri, te paucis volo
NIG. -Parere verbis ecce me promptum tuis.
ALP. -Vacat ne sedes arbitris? NIG. -Sedes vacat
ALP. Ut video, pectus fraude foecundum geris,
animosque flectis mobiles pulsu levi
partes in omnes. Arte num simili potes
ciere Ditem? NIG. -Potero, quid Ditem rogas?
ALP. -Me sera torquet ista vindictae mora,
praecipitat ira. NIG. -Sera nunquam quae venit
vindicta tandem certa. ALP. -Nescis interim
celerare caedem? NIG. -Nescio, Superi vetant
ALP. -Votis Olympus semper obsistit meis!
Potestne saltem caedis optatae famem
saturare spectris? NIG. -Spectra quae demens cupis?
ALP. -Adesse coram cupio simulatum levi
Ignatium umbra. NIG.57. [1] -Vitreo dirum caput
hoc cerne speculo. ALP. -Cerno luctificum caput.
Devota Divis ora reciproca furor,
incende, torque, spiculo ignito crema,
igne Phlegethontis viscerum fibras coque.
O si liceret vera *[2]mordaci semel Mordet saepius speculum
ora lacerare dente! Sed dentem fugax
imago ludit. Vana furibundum nihil
vindicta pascit, plura meus ambit furor.
NIG. -Quae plura demens postulas? ALP. -Ipsum potens
hunc impotentem siste. Si facias, meam
tibi fidus animam pignus aeternum offero.
NIG. -Accepto gratum pignus at nequeo tua
explere vota. Semper aligerum chorus
