Difference between revisions of "Page:APUG 1123.pdf/53"
| Page body (to be transcluded): | Page body (to be transcluded): | ||
| Line 26: | Line 26: | ||
Berriera, coeptas ipse sufflabo faces.<lb/> | Berriera, coeptas ipse sufflabo faces.<lb/> | ||
Causam Navarrus recolat attentus domi.<lb/> | Causam Navarrus recolat attentus domi.<lb/> | ||
| − | + | *<ref>* Ad Alpinum. Abeunt omnes praeter Alpinum et Nigrium</ref>-In nota procerum limina interea subi<lb/> | |
animosque capta: veritas cessit foro<lb/> | animosque capta: veritas cessit foro<lb/> | ||
placida favoris aura iudicium regit.<lb/> | placida favoris aura iudicium regit.<lb/> | ||
Revision as of 11:35, 3 April 2024
MUD. -Placet chorea? ALP. -Nobile inventum placet.
MUD. -Eat superba Roma, nunc ludos agat
nostraeque temnat impetus vanos hydrae.
Inveniet illa nobiles tandem duces
metuenda Romae spectra, Lutherum effero
se sublevantem capite, Calvinum pari
sese erigentem vertice. O quantos agent
ambo triumphos, cladibus quantis furent!
Loyola socios Marte perpetuo tuos
stringent, trucique victimas letho dabunt.
ALP. -Agite sodales, vltimam gravi manum
addamus operi: finis imposita beat
opus corona: pronus ex alto imminet
ruiturus hostis, leviter impulsus cadet.
Postremo si quae Daedalo condis sinu
consilia Nigri prome. NIG. -Nostris annuit
Fortuna coeptis, fateor, vrgenda est tamen,
nam caeca dubiam semper invertit rotam.
Ante omnia manus iudicum fulvi grava
pondere metalli: vena diues ferreos
expugnat animos. ALP. -Vade, veloci via,
Castilla, tenta iudicum solers fidem.56.[1]
NIG. -Dein tumultum ventilet turma levi
iuvenum Mudarra: facile Loyolae caput
retorta feriet culpa. Se comitem ferat
Berriera, coeptas ipse sufflabo faces.
Causam Navarrus recolat attentus domi.
- [2]-In nota procerum limina interea subi
animosque capta: veritas cessit foro
placida favoris aura iudicium regit.
