ALP. -Auferte mensas; libero indultum satis
Noctu bibemus largius, sobrium caput
pensi supremus poscit hodierni labor.
CAS. -Iocis vacemus ante: disposuit breves
choreas Mudarra, Roma Lutheri procax
ne ludat hydrum impune: Romanos hydra
Lutheriana ludet. ALP. -Abrumpat moras Se vertit ad Navarrum
Quid adhuc Navarre fluctuas? Nav. -Maesto premor
praesagus omine, tristis augurij tamen
ignoro causam. ALP. -Tempera Nigri chelyn
dispelle curas. NIG. -Plectra mulcerent mea
inhospitalem Caucasum et silices pigras
quas sub nivali sepeliunt Alpes iugo.
Vin’ dithyrambos Martios pulsent fides
queis in furentes Teutonum pubem ciet
Lutherus aestus? ALP. -Classicum Martis placet,
pectora Gradiui fervidi flammet calor
quem mox cruore Hispanus extinguat suo. Fidibus simul ac voce
Carmen Lutheri Arma, bellicosa pubes, canit Nigrius
ad Germanos rebelles bellici propago Martis,
arma praeceps arma clama
arma demens arma sume
fulminantis instar austri
detonantis instar Euri
sume me ferene signum
Dite classicum sonante.
Perde Caesarum coronas,
verte praesulum tiaras,
ara nulla stet superstes,
nulla proximum superba
Page:APUG 1123.pdf/51
From GATE
Revision as of 10:46, 3 April 2024 by Daniel Benvenuti (talk | contribs) (→Not proofread: Created page with "ALP. -Auferte mensas; libero indultum satis Noctu bibemus largius, sobrium caput pensi supremus poscit hodierni labor. CAS. -Iocis vacemus ante: disposuit breves choreas Mudar...")
This page has not been proofread