timore luces. Interim nobis sedet
vim vi retundere. IGN. -Innocens nullis eget
iustitia telis, improbos munit chalybs;
Meliora ferro tela propugnant honos.
CEL. -Quid si tumultus ingruat? IGN. -pubes, sacrae
spes magnae Romae, vacuus abscedat timor,
nostros tumultus appetet nullus Lares.
Abite laeti. CEL.- Pauca securae prius
praebe salutis monita. IGN. -Paucis accipe:
praesens fugaci vita praecipitat pede,
aeterna firmo vita consistit gradu.
Fugax voluptas, diuitum curae graves,
apex honoris lubricus, amarae crucis
dulcedo maior. Stabile solamen Deus.
Haec pauca mentis fidus asservet penus.*[1]
CEL. -Me vox beata perculit; non tan gravi
venator ictu figit Erymanthi pecus
Spiramen artus quam diu viuos reget,
tenebo dicta, pectore recondam memor.
Ignavis ergo copia, voluptas, honor.
Vita fugitiva, Munde simulator, vale.
Alpinus, Navarrus, Nigrius
Remotis mensis, hostes S<anc>ti Ignatii satyricum
ducunt tripudium ad irridendos ludos
Quirini. Quid Lutheri et Calvini secta=
=tores molituri sint in S<anc>ti Ignatij
socios in eo tripudio repraesenta=
=tur, fictae vindictae simulacro
- ↑ *Abit
