figuram quatuor orbis reginae varias appendunt
coronas, at sceptra statuae triumphali
S<anc>ti Ignatii propter regna a. [1] qua vati=
=cinantur ab eius sotiis vel ad fidem
convertenda vel in religionem
orthodoxa stabilienda
EUR. -O decus Europae, primo quam lumine spargis
heroes inter, Phoebeium sidus, Iberos
,
has Europa tibi regales libo coronas,
fortunata meis fundas vt secula regnis.
AFR. -O novus Alcides, tremefacti victor Averni,
prosternes domitor quicquid parit Affrica monstri.
Propterea supplex regalia defero serta,
fortunata meis repares vt saecula regnis.
ASI. -O qui, Triptolemo maior, meliore iacentes
semine fecundas agros, Asiatica supplex
haec tibi summittit tellus diademata regum,
fortunata meis revehas vt secula regnis.
AME. -O orbis lux magna novi, sol alter Olympi,
prona tuas deposco faces America dives
Interea Regum gestamina pendo meorum
fortunata meis condas vt secula regnis. 1. [2]
ACTUS SECUNDUS
SCENA PRIMA
NAVARRUS
.Navarrus varias in partes fluctuat 2. [3]
inconstanter tandemque statuit
se a scelere revocare.
