figuram 4 orbis reginae varias appendunt
coronas, at sceptra statuae triumphali
<span class="abbreviation" style="text-decoration: underline dotted" title="">Sti</span> Ignatii propter regna qua vati=
=cinantur ab eius sotiis vel ad fidem
EUR. -O decus Europae, primo quam lumine spargis
heroes inter, Phoebeium sidus, Iberos
,
has Europa tibi regales libo coronas,
fortunata meis fundas vt secula regnis.
AFR. -O novus Alcides, tremefacti victor Averni,
prosternes domitor quicquid parit Affrica monstri.
Propterea supplex regalia defero serta,
fortunata meis repares vt saecula regnis.
ASI. -O qui, Triptolemo maior, meliore iacentes
semine fecundas agros, Asiatica supplex
haec tibi summittit tellus diademata regum,
fortunata meis revehas vt secula regnis.
AME. -O orbis lux magna noui, sol alter Olympi,
prona tuas deposco faces America diues
Interea Regum gestamina pendo meorum
fortunata meis condas vt secula regnis.
ACTUS SECUNDUS
SCENA PRIMA
NAVARRUS
Conversa iterum scena, antiquae Romae monumenta exhibet.
Navarrus varias in partes fluctuat
inconstanter tandemque statuit
se a scelere revocare.
MARGINALIA: Sonante musica discedunt.