caelum stellatum. Caelites melici 4, aut 6, in nubibus, dum Hosii anima descendit in machina, concinnunt.
Electa turma caelo,
selecta turma terris,
Jesu cohors amata,
flagrans amore Jesu,
hinc pallidos timores,
metumque palpitantem
expelle laeta mente,
expelle laeta corde.
Caliginosa praecep
se proripit procella,
pax candidas reducit
ridente sole luces;
lucente pace multum
sol aureum serenat,
Loyola, magne ductor
Jesu nouae cohortis,
te proeliante Jesus
perenniter triumphat,
Jesu auspicante duces
tu perpetim triumphos.
HOS. -O magne pater, o sobolis ingentis parens,
terrae labantis columen, et magnum sacrae
firmamen vrbis, exul hinc longè metus
pio facessat corde. Radiosum tui
agnosce vultum filii et notum iubar.
MARGINALIA:
Hosius in terram delapsus S. Ignatium in extasim raptum attollit
Page:APUG 1123.pdf/18
From GATE
Revision as of 11:58, 24 January 2023 by Irene Pedretti (talk | contribs) (→Not proofread: Created page with "caelum stellatum. Caelites melici 4, aut 6, in nubibus, dum Hosii anima descendit in machina, concinnunt.<lb/> Electa turma caelo, selecta turma terris, Jesu cohors amata, fl...")
This page has not been proofread