Page:APUG 1123.pdf/12

ERY. -Flammis nitebit, sensit vbi taedas meas
Ibo, ibo. Divûm tecta tumulabit cinis.
Haec taeda Romam sepeliet: busta hic sacra
effodiet unguis, scelera sat novi mea.
Sacrilega furta, virginum incestus, stupra,
vasto cruoris flumine vndantem Tybrim,
et triste quicquid, horridum, immane, efferum,
antiqua sensit Roma, sentiet nova.
NIG. -O inferis optata vota! Sed saevi vetat
Numen Tonantis. Aliud urgendum est scelus.
Unîus astu Cantabri pridem stetit
ruitura Roma. Dextera vnius caput
mundi vacillans fulcit. Unum hunc si premas,
vicisti, Erynnis. ERY.: -Sit licet caelo editus,
mactabo letho victimam. Caelum licet
conscendat, inde detraham. NIG.: -Nomen viro
ferale, nomen flammeum, dirum, igneum:
Ignatius. Quid trepida degeneri metu
nutas Erynnis? Siste, quo praeceps ruis?
ERYN.:-Ad ima Tartara, ad fundum ultimum
Stygiae paludis; nomen haud istud fero,
fatale nomen, torquet, vrit, obruit.
NIG.:-Inanis vmbra, nominis monstrum times?
Infame monstrum, tertii regni probrum!
Sed ita est. Timere desinit quisquis Deum vmbram extimescit. Sed animos iterum cape, Erynnis, auctus redeat in fibras tumor, vilem trucida Cantabrum, furiis lita.* -Dehisce tellus, ore diducto specum hiantis aperi Ditis; invitas libet
MARGINALIA: Trepidat Erynnis et fugit ad Sancti Ignatii nomen.
Apparet è superiore locoDeus et Stus Ignatius cui fulmen a Deo traditur.
Apparet è superiore locoDeus et Stus Ignatius cui fulmen a Deo traditur.

◅▻