novam cohortem legibus, quarum tenax
Iesum aemuletur proximo gressu ducem.
Amor,*[1] recentes interim flammas iace,
feri. Patescit pectus, o amor, o amor!
CAN. -O vis amoris!, liquit algentes calor
vitalis artus, obriget corpus gelu,
dum mens flagrantes imbibit caeli faces.
Dilecta Divum cura, carpe fervidi
somnos amoris, pectoris quidquid tui
poposcit ardor, numen effectum dabit.
En aula caeli panditur: [con]scriptum lege
fatum tuorum mentis aeternae libro.
Viden’ ut 99.[2] ab alto labitur coeli tholo
missum volumen, legibus aratus sacris
queis tu novellum dirigis Iesu gregem?
Charum volumen aetheri, dignum cedro!
Agnosce *[3] caeli munus, amplexu fove,
venerare, stringe, quisquis hanc normam tenet,
dignus tenetur praevio Iesu comes.
Vade, age, supremus orbis antistes vocat.
En Damianus 100.[4] ducet ostro fulgidus
Cosmasque frater, martyrum geminum decus.
Ubi sol utrique vexerit sacrum iubar
patebit aditus, summus ut Romae parens
verace leges annulo firmet tuas.
- [5]Exorere sydus dividens semper pari
noctem diemque lance, magnis orsibus
propitia. Surge Libra, natalem diem
novae cohortis dexteris signis nota.
Bene est. Minacem condidit Mavors comam.
- ↑ *Divinus Amor iaculo S(anc)t(um) Ign(atium) ferit Intrat Candidus habitu angelico
- ↑ 99. Labitur e coelo liber constitutionum Societatis Iesu
- ↑ Secundus angelus tradit librum S(anc)to Ign(atio)
- ↑ 100.S(ancti) Cosmas et Damianus aperta scaena ducunt Igna<tius> ad pontificem a quo societas confirmatur.
- ↑ *Ostenditur Libra cum 7 planetis, excepto Marte, sub qua constelatione est confirmata societas 27 septemb.
