in calculatione linearum seu laterum requiruntur , inter calculandum reperiuntur. Omisimus ubique Minuta secunda, quae subinde primis adhaerent. Qui ea volet, inveniet, si juxta datas regulas inquirat.
Tabulae II.constructio seu dispositio patet ex ipsa Tabula nominbusque adscriptis. Columna transversalis A continet characteres Polygonorum regularium a Quadrato usque ad Decagonum tantum, et non ultra, propter causam paulo ante dicta.
Columna B continet longitudinem radiorum seu semidiametrorum (intellige interiorum seu minorum ) pro praedictis Polygonis circulo inscribendis modo mox dicendo, idque in pedibus Romanis antiquis (qui a Rhynlandicis seu Rhenansis non multum discrepant, ut supra etiam insinuavi, et constat ex dictis Lib.1. Pantometri nostri)quorum decem ex nostra suppositione efficiunt virgam,quam Decempedam appellant. Belgae tamen virgae cuilibet attribuunt duodecim pedes. Multi Auctores exprimunt linea a se calculatas virgis, et non addunt, ande virgis decem aut duodecim pedum loquantur. Nos,ut omnem dubitationem tolleremus, pedibus easdem lineas exprimimus, quorum quilibet dividitur in decem digitos, et quilibet digitus in decem scrupulos primos, et quilibet scrupulus primus in decem secundos. Seu, quod idem est, digitus dividitur in decimas digitorum; et hae in decimas decimarum, seu in centesimas digitorum.
Columna C exhibet itidem in pedibus Romanis, pedumque; digitis, et digitorum decimis ac centesimis , latus Polygoni interni circulo inscribendi,nimirum a centro unius propugnaculi ad centrum alterius.
Reliquae columnae in iisdem pedibus ac digitis etc. continent lineas seu latera, quae adscripta nomina indicant. Itaque
In omnibus columnis Tabulae hujus secundae numeri primi ante duo ouncta positi significant pedes Romanos;numerus vero post duo puncta significat digitos ,seu pedis Romani decimas; numeri post primum punctum decimas digitorum; et numeri post alterum punctum decimas harum decimarum, seu centesimas
