illum casualem in irregularitatem incidit, quonam pro absolutione
se conferre debet? an Graecium ad Ill.mum D.Nuncium apostolicum, an
vero per specialem dispensationem summi Pontificiis ad diocesanum suum Zagabriensem episcopum, ut, et hoc impedimento remoto, tutius et alacrius valeat pastorali praeesse officio. Literas responsorias diriget Ill.ma et R.ma D.io V.a ad rev.um patrem rectorem collegii Graeciensis.
De caetero precor Numen aeternum ut Ill.ma et R.ma D.io V.a in gratia superstitem conservet diutissimè, ut non solum unicum mundi decus Romam sapientiae suae collustret claritate, verum etiam ut ad nos sub dissito boreali positos axe suos diffundat radios, studiorumque suorum atque elucubrationum in dies magis stellas expandat atque propaget. Valeat Ill.ma et R.ma D.io V.a cuius e longinquo venerabundus quasi praesens venerandas deosculor fimbrias.
Datae in Juanich oppido in Croatiae partibus sito die 12 maii anno 1614.
Ill.mae et R.mae D.is V.ae
Humillimus servus
Martinus Dobrovisius sacerdos in Juanich
