Bembina haud infrequenter occurrit, resultat, quo omnia quae hucusque de anima mundi et amore mundano dicta sunt, sub forma sphaerae mundanae admirabili quadam ratione exprimuntur. Ut sequitur. Ego characterem in meliorem formam redactum, hìc subiungo.
Qui quidem si pauca excipias non differt à charactere qui passim in Bembina Tabula occurrit, mundi quadripartiti[1] symbolum. Et forsan idem μονόγραμμον cum praecedente est, cùm omnes literas vocis contineat. Sed hoc in Geometria Aegyptiaca melius discutiemus. Nunc ad amorem redeamus, cuius prior effectus est universum. [2] Amor enim, teste, Dionysio, non permisit Regem omnium sine germine permanere. [3] Idem propagandi studium ab Authore primo in omnes eiusdem imagines dimanavit. Per hunc enim intelligentiae coelos movent, et sequentibus om
