Page:Prodromus coptus sive aegyptiacus (1636).djvu/125

sensibus ac iustae proceritatis homine remoti videantur. De his vide quoquè Olaum Magnum, qui os Screlingers, hoc est cubitales appellat. Certè meminerunt huiusmodi monstrorum Authores Gravissimi, Aristoteles, Plut. Ctesias, Plinius, acc proindè ea aliquando visa esse uti non facilè negavero; itahomines eos veros fuisse non facilè asservero, cùm in hunc diem metallorum fossoribus huiusmodi monstrorum genus in profundioribus Terrae regionibus, quos dęmonculos Montanos passim vocant, comparere soleat de quius ita Georgius Agricola sol. ult. de animal. subter. Sunt deniquè mites quidam daemones, quos Germanorum alii, ut etiam Graeci vocant Cobalos; quod hominum sunt imitatores. Nam quasi lętitia gestientes rident, multa videntur facere, quum prorsus nihil faciant. Alii nominant virunculos montanos, significantes staturam, qua plerunquè sunt, nempe. Nani tres dodrantes longi. Videntur autem esse Seneciones, et vestiti more Metallicorum, id est vittato indusio, et corio circum lumbos dependente induti. Hi damnum dare non solent Metallicis; sed vagantur in puteis, et cuniculis: et quum nil agant, in omni laborum genere se exercere videntur; quasi modo fodiant venas, modo in vasa infundant id, quod effossum est: modo versent machinam tractoriam. Quanquam