Page:Prodromus coptus sive aegyptiacus (1636).djvu/174

tamen quarto quoque anno diem intercalabant, ut Diodorus Siculus lib. 1. Dies non secundum Lunam , sed secundum Solem metiuntur, triginta dierum mensem conficientes. Quinque autem dies, et quartam partem 12 mensibus adiungentes, anni cursum perficiunt. Quod ea qua sequitur ratione fiebat. Sit novilunium Thoth mensis, VG. prima die Augusti, Canicula oriente: post quartum annum Thoth superatis Kalendis Augusti ascendet in 31 Iulij. Quare Aegyptiorum Hierophantae quinto anno ineunte, annum suum à secunda die Thoth auspicabantur, et spacium illud quadriennij , item , aut , id est Solis, vocabant. Pari ratione quadriennio exacto, novi anni principium à 3. Thoth numerabant: quadriennium quidem exactum appellantes, equabilem verò annum labentem quadrantem; ideò illum designare volentes, quartam arui seu iugeri partem pingebant. Horus. Instantem, inquit, annum significantes arui partem pingunt. Est autem , unde Latinis aruum