Page:Prodromus coptus sive aegyptiacus (1636).djvu/49

affectuque; admirabili, ad posteritatem tibi hoc immortali beneficio deviciendam, uti in omnibus aliis rerum bene gerendarum occasionibus, ita in huius modi quoque curando negotio partes tuas desiderari nequaquam passurum. Quod et mucum de tua magnificentia, quotquot reconditioris literaturae amore feruntur, sibi indubitanter spondent. Sed readeamus ad Coptitas. Porrò è sacris historiis linqua Copta scriptis apparet, innocentissimae vitae homines fuisse Coptitas, atque adeò feruentes Christianae vitae cultores, ut nullis unquam suppliciorum generibus à suscepta semel fide, vitaque, abduci potuerint. Patet id è crudeli illa atque formidanda Diocletiani Imperatoris persecutione; in qua anno dicti Caesaris decimo nono, Marcellini Papae septimo, salutis nostrae 302. Teste Baronio, ad vigniti milia Christianorum crudelitate inaudita, innumeris aliis in exilium amandatis, vitam glorioso agone finierunt. Quos inter Philoromus, et Philetas , (hic Thmui, alter Alexandriae episcopali munere fungebatur) eximium fanè Christiani certaminis exemplum posteritati praebuere. Meminit huius crudelissimae perfecutionis Chronicon Alexandrinum.