f. 242v
ait: "Ideo convertetur populus meus hic et dies pleni invenientur in eis"[I]. Super quibus verbis magnus dolor mihi datus est ex eo, quod hactenus neque recte ad divina conversus sim, neque ullum diem, vel horam recte impleverim. inveniri dies plenos bonis actionibus. Utinam atque utinam aliquando inveniantur in me dies pleni bonis actionibus. Utinam tollantur omnia otia et otiosae actiones de vita mea. Amen.
Pridie octavae Visitationis Beatissimae Virginis Mariae hora XIIa[1] peperit principissa Domina Maria filia Regis Portugalliae. Die autem sequenti ego celebravi missam de Visitatione; faciendo[2] commemorationem Nativitatis Christi, nativitatis eiusdem Virginis Mariae et nativitatis Sancti Ioannis Baptistae. Quas equidem tres commemorationes iam feceram die praecedenti cum desiderio, ut natus puer per
_______________
- ↑ Ps 72,10
_______________
