f. 140v
ut faceret id quod fecit, sic ergo illa quae
non rationem[1],
sed ex Infusione gratiae, in verbo Adami acceperat fidem, quod quacumque hora comedisset esset moritura, in
rationibus[2]
et in proprio iudicio accepit errorem illum, qui erat ut per esum
illius[3]
pomi esset assecutura conditiones Deorum immortalium, et scientiam boni et mali.
Recognoscenda sunt igitur, cum multis gratiarum actionibus ea dona quae
hactenus[4]
et accepimus ex Dei gratia absque proprio iudicio, et nobis etiam non petentibus aut intelligentibus sicut factum est in Baptismo, in fide Ecclesiae et parentum, infundendo nobis semina Catholicae, et ort[h]odoxae fidei, spei, et caritatis, reliquarumque virtutum.
In sacramentis gratiae non secundum sensum, etc.
Item in aliis sacramentis in quibus omnibus dantur gratiae non iuxta mensuram captus nostri, neque secundum intellectum et sensum, quem habemus de forma, et materia
_______________
