f. 58v
et "Laudate"[I], in Laudibus ego sensi magnam mihi[1] compassionem, dum intelligerem[2], et sentirem qualiter omnes creaturae serviunt cum affectu consolationis, utilitatis[3] et remedii, et necessitatis[4] hominis[5], Sol illuminando, Aqua refrigerando, atque[6] ignis calefaciendo[7], et ego nihil notabilis profectus faciebam nec in eius gloria[8], nec in eius cultu, quod est[9] pro homine. Discursus misteriorum fuit qualiter Virgo Maria videbat fructus suos tam nobiles, tam notabiles, in annunciatione, Visitatione, et Nativitate, videndo pastores elevatos ad tantam cognitionem, intelligens misterium Circumcisionis, videns reges adeo humiliatos[10], et ita rogabam ipsam, ut tandem impetraret mihi gratiam concipiendi aliquem fructum ut servus filii sui cum affectu[11] alicuius rei, et cum affectu fidei, spei et charitatis.
_______________
- ↑ cf. Dan 3,57 etc.
_______________
- ↑ mihi] om. MF
- ↑ dum intelligerem] dando mihi ut intelligerem MF
- ↑ consolationis, utilitatis] utilitatis, consolationis MF
- ↑ necessitatis] add. etc. MF
- ↑ hominis] homini MF
- ↑ atque] om. MF
- ↑ calefaciendo] add. etc. MF
- ↑ gloria] gloriam et add. (nempe cum sim tam indevotus) MF
- ↑ est] etiam MF
- ↑ humiliatos] add. etc. MF
- ↑ affectu] effectu MF
