dum tollo celsum lumina in coeli tholum
En Imperatrix caelitum aetherea sedens 67.[1]
sublimis aula, syrmatis vasti cyclo
Iesu cohortem cingit. Hinc tutus patet
Zephiro favente portus, aspirat quies.
Augusta mater, filii Augusti parens, [2]
O Virgo mater, perge, prostratos tibi
tuere servos, candido gremio fove.
Bene est, propinquat palma, sydereis prope est
corona gemmis texta. Iam tempus monet [3]
ut nube pulsa retegar: in primis dabo
priscas Navarri litteras: surget gradus
hinc ad triumphum primus. Advenit; loquar [4]
QUI. -Cerno volutam sortis inversae rotam.
IGN. -*Inane nomen sortis ac numen fuge.
Deus orbe ludit verus: illius pila
humana gens est, providos ludos agit.
CAN. -Colende salve Mysta, longaevus senex 68.[5]
propere tabellas misit has, credo, tibi.
IGN. -Non te fefellit; nomen inscriptae meum [6]
ferunt tabellae*. QUI. -Petere si tantum licet,
ephebe, nomen fare, quae patria tulit?
qui te parentes? CAN. -Candidus nomen mihi,
parens Eoa stirpe, non humile genus,
opumque dives genuit. IGN. -O caeli favor! 69. [7]
Quirine, specta. Dulcis o mundi sator!
O fons bonorum semper exundans bonis!
Cernis, Quirine? Numen afflictis adest.
Quid fixus haeres? QUI.- Posse vix filb/>eri reor [8]
- ↑ 67. Ostenditur in superiori tabulato beata Virgo plures e Societate syrmate oblongo tegens.
- ↑ * Altero genuflexo B.V. affatur
- ↑ * Coronatur quidam a B.V. qui S.tum representiat
- ↑ * Intrant S<anc>tus. Ignatius et Quirinus
- ↑ 68. Accedit ad S<anc>tum Ignatium
- ↑ * Legit literas Ignatius
- ↑ 69. Lectas litteras tradit Quirino
- ↑ * subtrahit se Candidus