quod cerno factum. Corripit mentem stupor
An haec Navarrus scripsit? IGN.-Haec scripsit.70.[1]
quas misit olim litteras. QUI. -Eadem manus.
Mirmillo foedus, proditor, vilis, sibi
fallax tetendit rete<m>. Procumbet miser
suo peremptus ense. Vicisti, pater.
IGN. -Deo repende gloriam, vicit Deus.
Quonam recessit nuncius? QUI. -Tenues puto
velox in auras cessit. O quantum iubar,
o quam modestus ore radiabat nitor!
An lapsus alto penniger venit polo?
IGN. - Non haec meretur sordidi pondus soli
terraeque vermis. Quisquis at tandem fuit,
citi sequamur. QUI. -Hunc sequar laetus ducem.
Scena Secunda
Mudarra, Nigrius, Celsus,Franciscus,
Vitus, Ferrantus, Satellitos,
Chorus iuvenum S<anc>to Ignatio Ad=
versantium
Mudarra et Nigrius laxioris
vitae adolescentes variis
oblectamentis detinen=
tur, contra S<anc>tum
Ignatium concit=
MUD. -Hic molle pratum floridi argento nitet
auroque veris: agite, festivo solum
pulsate gressu, blandus invitat locus,
invitat aetas vividum annorum decus.
