Page:APUG 1053.djvu/20

excidit. Cosmiel. Ne putes velim Luciferum solum rebellem
fuisse divino decreto, sed habuit sceleris sui asseclas multitudinem
summam infelicium Angelorum. Sed ut omnium
capax fias ex ordine rem gestam tibi aperiam. Postquam
Deus nos Angelos in libertate naturae creatos constituisset,
mox una nobis tanquam viatoribus adhuc et
necdum ad visionem Dei apertam adhuc admissis revelavit
incarnationem filii sui, quem Dominatorem Universi
constitueret et Mediatorem fidelissimum tam Angelorum
quam hominum, ut per hunc si vellent, a natura
ad gloriam per meritum Christi et gratiam ascenderent,
et si qui nollent, aeternae poenae rei hoc ipso constituerentur;
cui videlicet Incarnationi maxima.
Angelorum pars fideliter cum debita gratiarum actione
favens subscribebat, qui videlicet in fide Christi
ad aeternam beatitudinem intrare merito dilectionis
eius, intrare meruerunt, atque hi fuerunt illi, quos
tot fidelis Dei servus per revelationem ipsi traditam
vocat astra, matutina; quis divisit lapidem angularem
eius, id est, terrae, cum me laudarent astra
matutina et iubilarent omnes filii Dei? Ubi per lapidem
angularem Christus intelligitur, et per Astra
matutina Angeli Verbi incarnationi faventes; hi
enim quasi mane orientes per charitatem gloriae
Deum laudabant; et intima mentis exultatione de
verbi in carne adventu; de eius sapienti dispositione
ac salute, quam per eius meritum sperabant, summopere
collaudantes. Caeteri vero in sententia contumaciores
Angeli suasu et argumentis Luciferi
miserabiliter attracti, multo sua inferiori natura
quam Dei filius assumere decreverat, subiici contemnebant,
tantae generis humani exaltationi subdole
invidebant; atque ex hac lite et dissidio natum est proelium
illud magnum in coelo, de quo dilectus Christi discipulus

◅▻