f. 239v
quandocumque aliquid terrenum, siue uerbum, siue factum spiritum tuum attingit, idque siue sit ad gaudium humanum, siue ad uanam tristitiam.
proficere in Ascentione.
Hic coepit in me desiderium proficiendi circa misterium Ascensionis Domini, cum quo
ascendentes[1]
nos ab omnibus terrenis eleuamur, nunc quidem in spiritu, tandem uero etiam in corpore, et secundum sensus externos.
In die Apparitionis sancti Michaelis Archangeli ego appuli ad oppidum Madrid, ueniens ex
Vallesoleto[2],
et[3]
amicos quosdam in Christo, et Dominos
uisitaui[4].
In uia hac multa mihi occurrerunt ad eruditionem cuiusdam uiri senis ex eorum officio quos Hispani sua lingua uocant Remeros.
Datum est quoque consolari quamdam mulierem multis modis desolatam, quae sese totam mihi aperuit.
In diuersorijs semper dabatur spiritus ad aedificandum in doctrina
_______________
