f. 149r
subleuamen nisi a Deo per Xpum. et sanctos eius, ego sensi magnum desiderium in hoc, ut scilicet sancti qui iam sunt in coelis, unusquisque specialiter pro his qui laborant in sua patria et pro animabus suae regionis, dignentur orare, et excusare nos. Pro hac re ego offerebam missam. Rogabam etiam Patrem coelestem ut, quotiescumque nominaremus nomen Filii sui, id est, Jesu, ipse dignaretur respicere ad omnes eos qui aliqua parte salutis indigent, siue in hoc mundo, siue in purgatorio; item quod semper recordetur omnium meritorum ipsius Jesu, et omnium desideriorum quae ipse, quandiu uixit in uita mortali, habuit in salutem hominum.
233. Hoc die, dum semel uenisset in mentem meam quod instaret tempus, in quo nos possemus egere rebus quae ad uictum necessarium pertinent, ego sensi magnum et bonum desiderium
_______________
