Lunae dies quarta dicitur confirmativa novilunii. Quinta dies Lunae nautis suspecta est ob tempestates.
Lunae quarta & quinta totius subsequentis Lunationis constitutionem indicat; unde proverbium: Quarta aut quinta qualis, tota Lunatio talis.
Luna a novilunio ante quartum diem non apparens, turbidum aerem per totum mensem futurum denotat.
Luna nova intra primos dies cornu inferius habens, aut magis obscurum, aut fuscum, aut quovis modo non purum, portendit tempestates & turbidos dies.
Luna quarta nec obtusis cornibus, nec prorsus iacens aut recta, sed mediocriter pura apparens, serenitatem denotat usque ad sequens novilunium.
Luna exoriens pallida, aut subatra, portendit pluvias; rubicunda, ventos; alba, serenitatem; unde versus: Pallida Luna pluit, rubicunda flat, alba serenat.
Luna utrumque cornu acutuum exhibens, pluvias significat: unum tantum acutum, alterum obtusum ventos.
Circuli duplices aut triplices circa Lunam visi, maxime si fuerint fracti, intersecti, & maculosi, horrendas tempestates praefagiunt; Circuli vero simplices, ventos, maxime ea parte, qua franguntur, aut magis splendent.
Plenilunia aestate aerem plerumque serenant; hyeme eundem infrigidant.
Luna sub Solis Occasum ampliata & luminoda promittit plurium dierum serenitatem.
Eclipses Solis multum refrigerant. Causa est, subtractio radiorum eius.
Eclipsis Lunae per se semper exsiccat, & parum refrigerat. Ex effectu secundo sequitur primus. Causa patet.
