f. 74r
me attendere ad hoc, ut sim obediens ei spiritui qui me ad feruorem eccitat, circa opera quae sunt in uerbo Domini, puta exortationes particulares et publicas praedicationes; et non solum in ecclesia coram multitudine, sed etiam in aliis conuentibus hominum, aut in domibus, aut circa domos, etiamsi pauci sint, qui me possint audire; item in mensis coram principibus et magnatibus.
113. In dominica prima Septembris *, dum applicarem discursus meos, et praesertim discursum misteriorum uitae et mortis, et resurrectionis Xpi. ad animam cuiusdam defuncti, qui mihi tunc fuerat nuntiatus, qui fuerat doctor de Cornibus, teologus parisiensis *, ego sensi magnam deuotionem dicturus missam pro ipso in tali discursu, petendo ueniam nomine
_______________
