debet ita posse converti ac circumvolvi, ut ostendat in vertice modo numerum 8,modo 7, modo 6 etc. Idem intelligendum est de reliquis cylindrulis.
Cistulae novae usus pro Multiplicatione.
Haec est constructio cistulae cylidrulorum. Usum explicano uno aut altero exemplo.
Sint primo multiplicanda 6789, per 7. Scribe tam Multiplicandum, quam Multiplicandum, quam Multiplicatorem, ante te, ut in Exemplo I. factum vides. Deinde,quoniam Multiplicandus constat quatuor notis, selive quatuor quoscunque cylindrulos sibi immediate succedentes, ver. gr. quatuor ultimos ad dexteram; eosque manubriolis suis L successive apprehensos verte, donec in vertice ipsorum compareant quatuor Multiplicandi notae, nempe in primo ad dexteram numerus 9, in secundo sequenti numerus 8, in tertio numerus 7, in quartus numerus 6. His habitis, exscribe septimam seriem numerorum in quadratulis repertorum; et habebis numerum B pro Summa quaesita. Septimam seriem statim monstrat numerus 7 in tabella applicatoria M N,quae est ad dexteram. Potes eandem promovere, et collocare ad sinistram ante quartum cylindrolum.
Sint iterum eadem 6789 multiplicanda per 56. Scribe numeros, ut in Exemplo II. apparet. Deinde exscribe primo seriem sextam quadratulorum, deinde seriem quintam; hanc colloca infra priorem, ut in Exemplo factum vides; et reperies primo numerum D, deinde numerum E. Quos si colligas in unam Summam,habebis numerum F, qui quaerebatur.
