etiam hic sunt. Si in Multiplicante occurrit cifra, ponitur ejus loco cifra inter Summas, et Multiplicatio absolvitur cum figuris significantibus.
Sic multiplicandus numerus E per 24. Colloca numeros ut vides, et, ducta infra illos linea, duc primo primam figuram inferioris in omnes superioris, hoc est, multiplica omnes superiores per 4, et dic: quater 6, faciunt 24; scribe 4 infra directe, et retine 2 pro sequenti Summa. Iterum dic, quater 5, faciunt 20, et 2 antea retenta, cun his faciunt 22; scribe 2 infra, et retine 2. Iterum dic, quater 2, faciunt 8, et 2 antea retenta, efficiunt 10; scribe ergo 0 infra et retine 1. Tandem dic, quater 4, faciunt 16, et 1 antea retentum, efficiunt 17; scribe ergo 17 infra, et habebis Summam F.
His factis, procede ad secundam figuram Multiplicantis, eamque dic similiter in omnes figuras Multiplicandi, dicendo: bis 6, faciunt 12; scribe ergo 2 infra lineam directe sub 2 et 5, et retine 1. Iterum, bis 5, faciunt 10, et 1 antea retentum, 11; scribe ergo infra 1, et retine 1. Iterum, bis 2, faciunt 4, et 1 antea retentum 5; quae scribe infra. Tandem, bis 4, faciunt 8; quae etiam scribe infra; et habebis Summam G.
His etiam factis, duc lineam infra duas Summas inventas, easque collige per Additionem in unam Summam, incipiendo a dextera versus sinistram; et invenies Summam H.
Simili prorsus modo procede in sequenti exemplo; in quo cum Multiplicator contineat tres figuras, debent singulae duci in singulas Multiplicandi; produceturque tres Summae partiales, quae colligi debent in unam totalem, ut in exemplo apparet.
