proposuit. Eadem fusius et clarius,in Principum ac Nobilium gratiam , explicare conabor, repetens nonnulla,quae tum in 2.parte Magiae Universalis Li.7.tum in Cursu Mathematico Lib. 25. ex P. Kirchero dedi.
TAmetsi qui ex arte nova , in praecedenti Libello ab Auctore Organi tradita, et a nobis uberius in sequentibus explicanda, componere desiderat harmonicas cantilenas, non opus habeat,ut ulla vel vocabulorum; vel praeceprotum Musices imbutus sit notitia; ut tamen facilius, certius ac jucundius operetur, non nulla praemittenda judicavi, praesertim quae apud alios Scriptores aut non reperiuntur , aut non eodem ordine ac claritate ad captum eorum etiam,qui primum Musices praeceptis imbui cupiunt. Talia autem sunt praecipue,quae Capitis hujus titulo enarravi. Sit ergo
Musicae Definitio et Divisio.
MUsica , sive Harmonica, est dissimilium vocum seu sonorum gravitate et acumine differentium,discors concordia, aut concors discordia, ad sensum audiendi delectandum insitututa. Itaque vox una, sonus unus, aut plurium non dissimilium convenientia , proprie Musicam seu Harmoniam non constituunt. Quid autem sit, voces et sonos gravitate et acumine differrem ex sequenti ?. 2. intelligetur.
Musicam varii varie partiuntur. Commodissime dividi potest
