Horographia per Tangentes.
POst binas Horologiorum describendorum Methodos hactenus explicatas, pergit Auctor noster ad praxes parallelos seu arcus signorum Zodiaci iisdem Horologiis inscribendi, Inter multos autem id preastandi modos, de quibus fuse egerat in Lib.5. Artis Magnae Lucis et Umbrae, unum solum hic affert, qui consistit in translatione Tangentium vel ex centro Horologii descripti in lineas Horarias, vel ex loco styli in easdem. Quem in finem duas Tabellarum classes construxit, nempe sex rubro colore impbutas pro Horologiis Horizontalibus et verticalibus, et tres colore viridi tinctas pro Horologiis Meridianis et Polaribus. Tabella correctas proposuimus in Iconismo, quqm huic Libro quinto praefiximus. Usum Tablellarum explicat Auctor in Libello quinto §.7. et 8. Structuram earundem, aliarumque similium pro pluribus poli elevationibus (nam sex priores solum elevationi graduum 48 et 50 inserviunt) hic docebimus.
