Qui numerus dierum si non excedit 31, dies inventus pertinet ad Martium, qui constat 31 diebus: si excedit 31, dies pertinet ad Aprilem. Itaque si a tota summa dierum subtrahas 31,residuum indicabit diem Aprilis. Si Epacta inventa est 28 et 29,et subtrahuntur a 31,jubentur addi residuo 47,ut conflatus numerus pertingat usque ad Aprilem , quoniam dictae duae Epactae solum in Aprili sunt termini Paschalis indices.
Paschalem terminum invenire pro Calendario novo.
ET hic tres praescribemus modos, sed omnes tres per Epactas novas seu Gregorianas: et primum quidem subsidio Calendarii novi, reliquos absque Calendario.
QUare in Calendario novo, ab octavo die Martii inclusive usque ad quintum Aprilis inclusive, Epactam novam proposito anno currentem; et habebis diem Novilunii Paschalis : ab eo die inclusive numera dies 14, incides in diem Lunae XIV seu termino Paschali deputatum.
EXEMPLUM I. Vis scire terminum Paschalem anni 1704. Epacta nova dicti anni est 23. Haec incidit in diem 8 Martii. Ab hoc si numeres dies 14, incides in diem 21 Martii. Hic ergo est terminus Pachalis.
EXEMPLUM II. Quaeris eundem Paschalem terminum pro anno 1724. Epacta est 4. Haec quaesita inter diem 8 Martii et 5 Aprilis, cadit in 27 Martii. Ab hoc dies 14 cadit in 9 Aprilis. Ergo dies 9 Aprilis est terminus Paschalis anni dicti.
EXEMPLUM III. Anno 1744 Epacta est 15, cadens in 16 Martii,et dies ab eo decimo quartus in 29 Martii. Ergo terminus Paschalis dicti anni est dies 29 Martii.
Ratio Regulae est, quia Patres Concilii Nicaeni statuerunt, ut dies octavusMartii,et quintus Aprilis,essent extremi limites
