QUare in Calendario veteri, ab octavo die Martii inclusive, usque ad quintum Aprilis inclusive , Aureum numerum proposito anno currentem; et habebis Novilunium Paschale affixum diei illi, cui praefixus est Aureus numerus: ab eo die inclusive numera dies 14, et indices in diem Launae decimae quartae, seu termino Paschali deputatum.
EXEMPLUM I. Vis invenire decimam quartam Lunam, seu terminum Paschalem pro anno 1668. Aureus numerus illius anni est 16. Hic quaesitus inter diem octavum Martii,et quintum Aprilis, reperitur adscriptus diei octavo Martii. Ab hoc die si numeres dies quatuordecim, incides in diem 21 Martii. Ergo Luna decima quarta, seu terminus Paschalis illius anni, est dies 21 Martii.
EXEMPLUM II. Vis iterum scire decimam quartam Lunae pro anno 1671. Aureus numerus est 19,et praefixus est diei quarto Aprilis. Ab hoc inclusive numera dies 14; occurrit dies decimus septimus Aprilis pro termino Paschalis.
EXEMPLUM III. Quaeris terminum Paschalem anni 1679. Aureus numerus 8, praefixus est diei quinto Aprilis, et terminus Paschalis cadit in diem 18 ejusdem.
Ratio Regulae patet ex dictis Cap. 8. de Paschatis celebratione ex praescripto Concilii Nicaeni, et Cap. 11. de Aureorum numerorum in Calendario veteri disposiotione et officio.
EPactam veterem (per Regulam VIII praecedentem inventam) quando major non est quam 26, subtrahe ex 46, et relinquetur dies Martii ( si cogitentur continuari aCalendis Martii usque ad 46, ita ut dies decimus Quintus Aprilis dicatur quadragesimus sextus Martii) in quem cadit terminus Paschalis; qui si 31 excedat, iis abjectis, reliquus fiet dies Aprilis eidem termino debitus. Quod si Epacta numerum 26 excedat, subtrahe illam ex 46, et remanebit dies Aprilis, termino Paschali dicatus.
